Kartoshkaning “Pikasso” navi o‘zining yuqori hosildorligi va ajoyib ta’mi bilan fermerlar va iste‘molchilar orasida katta mashhurlikka erishgan. Ushbu nav Gollandiyadagi “Agriko” kompaniyasi seleksionerlari tomonidan yaratilgan bo‘lib, nafaqat agrotexnik xususiyatlari, balki ekologik chidamliligi bilan ham ajralib turadi.

Mutaxassislarning fikricha, bir gektardan 190-315 sentner hosil olish mumkin. Yaxshi agrotexnik parvarish bilan esa bu ko‘rsatkich 320 sentnergacha yetkazish imkoni bor. Bu uchun tajribalarga asoslangan yondashuv va to‘g‘ri oziqlantirish usullarini qo‘llash talab etiladi. Shundagina yuqoridagi ko‘rsatkichga yetish mumkin.

Uni ekish uchun eng maqbul vaqt – aprel oyining ikkinchi yarmi. Bu davrda tuproqning harorati va namligi optimal bo‘lib, urug‘larning yaxshi unib chiqishini ta’minlaydi. Ekish chuqurligi – 20 sm, bu esa ildizning barqaror rivojlanishi uchun zarur. Qatorlar oralig‘i – 70-80 sm, o‘simliklar oralig‘i – 40-50 sm bo‘lishi kerak.