ISSIQXONA — noqulay iqlim sharoitida ekinlarga sun’iy muhit (harorat, yorug‘lik, namlik va b.) yaratadigan inshoot. Asosan, mavsumdan tashqari davrlarda mahsulot yetishtirish, issiqxona va ochiq dala uchun ko‘chatlar o‘stirishga xizmat qiladi. Issiqxona oynaband yoki polimer plyonka, stekloplast va h. k. bilan o‘ralgan bo‘ladi. Yog‘och yoki temir, po‘lat, alyuminiy kabi metall us-kunalardan tiklanadi. Issiqxona larning xil-maxil turlari mavjud. Ular foidalanish muddatlari va davomliligiga qarab — qishki hamda bahorgi; vazifasiga ko‘ra — ko‘chat o‘stiriladigan va sabzavot yetishtiriladigan; sabzavotlarni o‘stirish texnologiyasiga qarab — tuproqli va gidropon; ichki jihozlarga qarab — so‘kchakli va tuproqli turlarga bo‘linadi. Konstruktiv yechimi jihatdan Issiqxonalar nur o‘tkazuvchi nishab tomonlari miqdorita qarab, bir, ikki va ko‘p tomonlama nishabli turlarga bo‘linadi. O‘zbekistonda, asosan, pomidor, bodring, rezavor ekinlar, sabzavot o‘simliklari ko‘chati, shuningdek, limon va manzarali o‘simliklar I. da yetishtiriladi. Yozi qisqa bo‘lgan o‘rta va shim. mintaqalarda Issiqxonada turli sabzavot va boshqa q. x. ekinlari yil bo‘yi o‘stiriladi, hosil olinadi va o‘simliklarning yangi nav hamda duragaylari yetishtirish va boshqa i. t. ishlari olib boriladi. Qishki Issiqxonalar yil bo‘yi foydalanishga mo‘ljallangan bo‘lib, ularda sabzavotlar bahorgi issiqxona, parniklar, ilitilgan yorlarla o‘stirish uchun ko‘chatlar yetishtiriladi. U metall yoki temir-betondan ishlanadi. Bahorgi Issiqxonalar yengil kon-struksiyalardan sabzavotlar yerda o‘stiriladigan qilib quriladi.