Issikxona kurish va tashkil etish

Issikxona kurishda metal profildan va kalinligi 6-7 mikron selofandan foydalaniladi

Issikxonalar kulay va mustaxkam chidamli issikni uzida yaxshi saklay oladi

4 sotix maydonni 3-kun muddatida kurib bitkaziladMONAVIY ISSIQXONA QURISH XIZMATI MAVJOD MALAKALI ISHCHILAR 

Bizni korxonamiz tomonidan taklif etilayotgan "Issiqxona" qurish ishlari,Sizning tanlovingizga binoan va Sizning buyurtmangizga ko‘ra amalga oshiriladi.

Taklif qilayotgan "Issiqxona" yengil metall-konstruksiyadan iborat bo‘lib, barcha qulayliklar xisobga olinadi.

1 bosqich: O‘lcham va modelni tanlash

Issiqxona o‘lchami uni qurish uchun mavjud mablag‘dan kelib chiqqan holda tanlanadi. Tavsiya qilinadigan o‘lchamga ko‘ra uning kengligi 12 m dan ortmasligi va 6 metrdan kam bo‘lmasligi zarur. Kengligi 12 m dan ortiq issiqxonalar har bir kvadrat metr uchun ko‘tarib turuvchi ravoq yuk ko‘tarishini mustahkamlovchi tirgak qo‘yishni talab etadi. Shu sababli, mana shularni hisobga olgan holda eng maqbul o‘lchamni tanlash kerak bo‘ladi. Ravoqlar yog‘och yoki metalldan bo‘lib, gorizontal qo‘yilgan ustun mustaxkamlgiga qarab tirgak orasidagi masofa tanlanadi.

2 bosqich: Hududni tanlash

O‘lchamlar tanlab bo‘lgandan so‘ng issiqxona quriladigan joy tanlanadi. Bunda sizot suvlari kamida 3,5-4 m yoki undan chuqurroq bo‘lgan yer tanlash kerak bo‘ladi. Sizot suvlarining yaqin bo‘lishi issiqxona ichida hosil bo‘ladigan yuqori namlik sababli o‘simliklar o‘stirishni qiyinlashtiradi.

Masalani hal qilishning 2 yo‘li bor:

Tepalik shaklidagi yer maydonlarida issiqxona uchun kerakli o‘lchamlarda chuqur qazish. Bunday usul devor qurishga ketadigan harajatni tejash imkonini beradi;
Ikkinchi usul bu yer satxini ko‘tarish orqali sizot suvlarini satxini chuqurligini oshirishdir yoki zovur orqali sizot suvlari satxini kamaytirishdir.

Maydonni tanlash uchun kompasdan foydalaniladi. O‘lchov tasmasi va go‘niya yordamida issiqxonaning burchaklari tanlanadi. Kompassdagi N belgisi shimolni S belgisi janubni bildiradi. Issiqxonani xududida kompassni tekis yog‘ochga yoki stolga qo‘yib burchaklar aniqlanadi. Kompass ostidagi joy tekisligini shayton nevelir yordamida aniqlab olish mumkin.

3 bosqich: Poydevorni tayyorlash

Poydevorni tayyorlash uchun karkasning janub tomondagi devori tagidan eni 0,4 m dan va chuqurligi 0,6 m dan kam bo‘lmagan uzun chuqur qazish kerak bo‘ladi.

Beton quyishda uni gidroizolyatsiya qilishni unutmang. Buning uchun M-150 makali betondan foydalaniladi. Yon va shimol tomondagi devorlarning poydevorlarini tayyorlash uchun chuqurligi 0,6 m dan kam bo‘lmagan beton tagligi bilan quyilishi zarur. Uning eni esa, sizot suvlari 6 m dan chuqur bo‘ladigan grunt uchun uning ustiga quriladigan devor enidan kam bo‘lmasligi lozim. Agar sizot suvlari yaqinroq bo‘lsa, poydevor chuqurligi va eni shunga muvofiq kattalashtiriladi.

4 bosqich: Devorlarni tiklash

Devor qurish uchun ishlatiladigan bir qator materiallar bo‘lib, ular quyosh energiyasini kunduzi issiqlik tarzida yig‘ib oladi. So‘ng uni sutkaning eng sovuq payti bo‘lgan tunda chiqara oladi. Bizning sharoitda bunday materiallarga misol qilib xom g‘isht yoki paxsani olish mumkin. Eng asosiy mezon bu devorning zich ekanligi (germetikligi) hisoblanadi.

Devorni qurish ishlari tanaffuslar bilan amalga oshiriladi. Ya’ni yuqori qatlamni qo‘yishdan oldin undan avvalgi pastki qatlam qurib ulgurgan bo‘lishi zarur. Kuz davrida yog‘in tushmasligi uchun uning ustini polietilen bilan yopib qo‘yish kerak bo‘ladi. Devorlarni bitkazib, karkasni o‘rnatib bo‘lgandan so‘ng devorlarni quritish uchun issiqxonani +35°C gacha isitish lozim.

5 bosqich: Karkasni yig‘ish

Issiqxona karkasini po‘lat materiallardan va trubalardan, alyumin materiallardan, yog‘ochdan va po‘lat simlardan yig‘ish mumkin. Unga qo‘yiladigan asosiy talab quriladigan karkas va plyonkaning yukka va shamolga chidamliligidir. U yoki bu ko‘rinishdagi karkasni tanlashda uni sinab ko‘rishingiz mumkin bo‘ladi.

Karkasning yuk ko‘taruvchanligi, ehtimoliy yog‘inlarni hisobga olgan holda, har metr kvadrat yuza uchun 50 kg bo‘lishi kerak. Shamolga chidamliligi esa soatiga 70 km dan kam bo‘lmasligi lozim. Chunki bizning hududlarda shamolning eng katta tezligi mana shunga teng. Me’yordan ortiq qor yog‘adigan hududlarda issiqxonaning janub qismidagi burchak nishabligini kattalashtirish zarur. Metall trubalardan foydalanishda unga oddiy tarzda ishlov berish bilan kerakli shaklga keltiriladi.

6 bosqich: Issiqxona ravog‘i uchun qoplamani tanlash

Issiqxona ravog‘i uchun qoplamani tanlashda mavjud mablag‘larga tayaniladi. Eng keng tarqalgan material bu – yorug‘likni 80% o‘tkazadigan polietilen plenkadir. Bir qavatli plyonkaning kamchiligi shundaki, u issiqlikka uncha chidamli emas. Uning issiqlikka chidamliligini oshirish uchun ikki qavatli plyonkadan, ularning orasiga havo to‘ldirgan holda ishlatish zarur bo‘ladi. Buning uchun bozorlarda havo to‘ldirishga mo‘ljallangan pnevmatik nasos va havo klapani sotishadi. Shaffof materiallarning zarur tomoni – ularning parnikli ta’siridir.

Tushayotgan quyosh nurlarining ko‘p qismi binoga oyna orqali yetib keladi. Bu nurlar oynali xonaning ichki devorlarini isitadi. Xona ichidagi harorat uning devorlari berayotgan harorat va uning shaffof shiftiga urilib isiydigan harorat hisobiga umumiy harorat yanada ortadi.

7 bosqich: Tom qismini yopish

Issiqxona tomi nishabligi 35° ni tashkil qiladi. Qishda, quyosh ufqdan uncha baland bo‘lmagan holatda bu nishablik quyosh energiyasi tushishing eng maqbul bo‘lishini ta’minlaydi. Quyosh tik ko‘tarilganda tom issiqxonaning ma’lum qismiga soya beradi va uning ortiqcha qizib ketishining oldini oladi. Issiqxonaning shimoliy tom qismining xar bir metr kvadratida o‘rtacha 300 kg dan 450 kg gacha og‘irlik bo‘ladi. Shuni hisobga olgan xolatda tomni izolyatsiya qilish uchun somon, yovvoyi butalar va boshqamateriallardan foydalaniladi. Izolyatsiyani yaxshilash va sabzavotlardan quyosh nurlarini qaytarish uchun tomga oq parashyut yoki oq mato tortilishi mumkin.