DAZMOL — gazlama, kiyim-kechak, ko‘nchilik mahsulotlari va b. ga issiqlik ishlovi berish (qizdirib silliqlash) uchun mo‘ljallangan asbob. Uy-ro‘zg‘orda, maishiy xizmat korxonalarida, tikuvchilik f-kalarida, ko‘n z-dlarida ishlatiladi. Ro‘zg‘orda ishlatiladigan Dazmolning kumir yoki o‘tin chugida qizdiriladigan, plita ustiga quyib qizdiriladigan va elektr xillari bor. Hozir, asosan, elektr Dazmol ishlatiladi. U metall asos, qopqoq, qizdirish elementi (spiral) va shnurdan iborat. Ba’zi elektr Dazmollar issiqlik darajasini uzgartiradigan (termorostlagichli) (mas, 700 Vt — 1000 Vt li) qilib ishlab chiqariladi. Ba’zi Dazmol larda dazmollanadigan joyni ho‘llab turadigan suv «kosacha» bo‘ladi. Tikuvchilik f-kalari, maishiy korxonalarda maxsus (og‘irroq va quvvatliroq) Dazmollar va dazmollash presslari ishlatiladi. Ko‘nchilikda ishlatiladigan Dazmol 90—100° gacha qizdiriladigan plita va unga terini qisadigan rolikdan iborat.An’anaviy zamonaviy dazmolga bug‘ generatori o‘rnatilgan bo‘ladi. Dag‘alroq matoni bug‘ purkab dazmollash mumkin. Buning uchun dazmollashdan oldin idishchasiga bir oz suv quyib olish kerak. Bug‘ purkovchi dazmollar do‘konlarda serob.

Bug‘ purkagichi alohida dazmol. Bu toifa dazmollarni oddiygina qilib bug‘ generatorli deb atashadi. Bunday dazmolning bug‘ yetkazuvchi qismi o‘zida emas, alohida joylashgandir. Ular ichak orqali birlashtiriladi. Odatda, bug‘ni kuchli va bir tekisda uzatadi. Asosan, katta matolarni, xususan, choyshab, yotoqxona qoplamalari va boshqa materiallarni tez-tez dazmollaydigan kishilarga kerak.

Yo‘l uchun dazmol. An’anaviy dazmolning kichikrog‘i. O‘lchami va vazni oz, chamadonda ko‘p joy egallamasligi uchun dastasi buklanadi. So‘nggi vaqtda yo‘l uchun dazmollarning ham bug‘lisini uchratish mumkin. Bir qultumgina suv quyasiz, tamom