Go‘zallik saloni ochishdan oldin maqsadlaringizni aniq belgilab olishingiz darkor. Kichikroq oilaviy biznes tarafdori bo‘lsangiz, standart xizmatlar — soch turmaklash, kesish,  bo‘yash, qosh terish, makiyaj kabilar ko‘rsatiladigan oddiy salon yetarli. U yil mobaynida barqaror kirimni ta’minlab turadi. Bunday salonni chekka qishloq joylarda ham hech cho‘chimay tashkil etish mumkin. Asosiy mijozlar — mahalla-ko‘y, qo‘ni-qo‘shnilar, yon-atrofdagi ishxonalarning xodimlari.

O‘rtacha darajadagi go‘zallik salonini yo‘lga qo‘yish uchun nisbatan kattaroq mablag‘ kerak bo‘ladi. Xizmat darajasi yuqori bo‘lishi talab etiladi. Ish mavsumiyligi bilan ajralib turadi — bayramlar oldidan, bahor boshlanishi va qish o‘rtalarida ayniqsa odam bilan to‘lib-toshadi. Bunday salonlarda manikyur, pedikyurdan boshlab ko‘rsatiladigan xizmat turlarini oshirish mumkin.

gar go‘zallik saloni ochmoqchi bo‘lsangiz, eng oddiysidan boshlaganingiz ma’qul. Imkoniyat darajasidan kelib chiqib, bir nechta tumanlarda shunday go‘zallik saloni faoliyatini yo‘lga qo‘ysangiz bo‘ladi. Keyin o‘rtacha darajadagi bir-ikkita salonga qo‘l urib ko‘ring. Sekin-asta shaharning qoq markazidan eng yaxshi uskunalarga ega bo‘lgan muassasa ochishga mablag‘laringiz bo‘ladi.

Asbob-uskunalar, jihozlar, zarur ashyolar
Go‘zallik salonini jihozlash uchun Sizga quyidagilar kerak bo‘ladi: