Чарм саноатида терининг фақат дерма қисмига ишлов берилса, мўйна саноатида терининг дерма, эпидермис ва жун қопламига ишлов берилади. Шу сабабли , мўйна териларининг тери тўқимасининг кимёвий таркиби ва микроструктураси, жун қопламининг кимёвий таркиби ва жуни ўзгартирилади. Бундан ташқари мўйна териларининг жун қопламини физика-механиқ хоссалари ва ташки кўриниши яхшиланади . Бу хусусиятларга мўйна терилари, айниқса уларни суюқликда ишлов бериш жараёнларида эга бўлади. Шу сабабли, суюқликда ишлов бериш параметрларини тўғри танлаш муҳим рол ўйнайди. Мўйна ишлаб чиқариш жараёнларининг асосий параметрларига : суюқлик коэффициенти, ҳарорат, реагент концентрацияси, жараённинг давомийлиги, ишлов берадиган суюқликнинг ёши, ҳамда механиқ таъсир киради.

Суюқлик коэффициенти ( С.К) 1 кг хом-ашёға неча литр суюқлик тўғри келиши билан ифодаланади.

Чарм ишлаб чиқаришда С.К. асосан тоза сўйилган мол терисининг оғирлигига нисбатан олинса, мўйнада эса қуритиб консерваланган териларнинг оғирлигига нисбатан олинади.

Ишлаб чиқариш услуби ҳар бир мўйна ассортиментлари учун, хом ашё турига қараб тузилган бўлади. Масалан:

- қўй териларидан қўй- пўстин ва қўй мўйна ишлаб чиқариш услуби;

- қоракўл териларига ишлов бериш услуби ва бошқалар бўлиши мумкин.

Ишлаб чиқариш услубини лойиҳа учун танлашда услубда келтирилган параметрларга алоҳида эътиборни каратмок лозим. Технологик режимни тўғри олиб бориш мана шу параметрларга боғлиқ бўлади. Технологик режим деганда, биз ишлаб чиқариш услубида келтирилган кетма-кетликдаги технологик жараёнлар учун кўрсатилган жихозда, берилаган суюқлик коэффициентини, ҳароратни, кимёвий материаллар концентрациясини эътиборга олган ҳолда алоҳида белгилаб олиш ва жараённи олиб бориш тартибига риоя қилган ҳолда жараён амалга ошириш тушунилади.

Ишлаб чиқариш услубини тўғри танлаш келгусида бажариладиган технологик ҳисоблашларни тўғри ёки нотўғри бажарилганлигига таъсир кўрсатади. Яъни ҳар бир жараён учун бирта вариант бўйича ҳисоблаш талаб қилинади.

Танланган ишлаб чиқариш услубида аниқ маълумотлар билан асосланган, у ёки бу технологик жараёндаги ўзгартиришлар кўрсатилган бўлиши лозим. Юқори сифатли маҳсулотни ишлаб чиқаришни таъминлаш, меҳнат ва материаллар сарфини, энергия сарфини камайтириш, технологик жараёнларни механизациялаштириш ва автоматлаштиришни ўз ичига олган янги ва прогрессив технологиялар ифодаланган бўлиши керак.

Шу билан бирга хом ашёдан тўлиқ ва унумли фойдаланиш, тайёр маҳсулот миқдорини ошириш, ишлаб чиқариш чиқиндиларини унумли ишлатиш каби муҳим масалалар ўз ўрнини топиши лозим.

Ишлаб чиқариш услуби илмий йуналишда олиб бориладиган илмий тадқиқот ишлари натижаларига ва чет мамлакатларда чарм ва мўйна саноатида қўлланиладиган янги технологияларга асосланган ҳолда ўзгартирилади ва бунда тайёр маҳсулот сифати билан бир қаторда ишлаб чиқариш самарадорлигини ошириш кўзда тутилади.

1. Партиялаб суюқликда ишлов беришда суюқлик коэффициентини тўғри танлаш муҳим ахамиятга эга. Суюқлик коэффициенти қанча катта бўлса, жараён бир маромда боради ва сифат шунча яхши бўлади. Лекин бунда иктисодий самарадорликка эришилмайди. Чунки суюқлик қанча кўп бўлса, кимёвий реагентлар сарфи хам шунча кўп бўлади. Шунга асосан суюқлик коэффициентини тўғри танлаш муҳим ҳисобланади. Иктисод жихатдан суюқлик коэффициентини кам бўлиши яхши.

Чарм ишлаб чиқаришда суюылик коэффициентини кичкина олиш мумкин, лекин мўйна ишлаб чиқаришда бунга йўл қўйиб булмайди. Сабаби мўйна жунлари бир-бири билан ишкаланиб кигизсимон холатга келиб қолиши мумкин. Шунинг учун мўйна ишлаб чиқаришда суюқлик коэфффициентини каттарок олишга тўғри келади. Бундан ташқари суюқлик коэффициенти ишлов берадиган аппаратларга боғлиқ. Аппаратларда хом ашёга бир маромда ишлов бериш учун, яъни айлантиришни осонлаштириш учун суюқлик коэффициенти катта олинади. Барабанларга нисбатан баркасларга ишлов беришни олиб боришда С.К. катта олинади.

2. Агар ҳарорат юқори бўлса, жараён тезроқ боради, оқсиллар тезроқ парчаланади, тери тўқималари пукак холатга айланади. Хаддан ташқари ҳарорат оширилганда, тайёр Маҳсулот сифатига таъсир курсатади. Бунда эгилувчанлик пасаяди.

3. Реагентлар концентрацияси юқори бўлса, жараён тезроқ боради. Диффўзияланиш тез боради, лекин хаддан ташқари концентрацияни ошириш реагентлар зарраларини катталаштиради ва диффузия секинлашади. Реагентлар кўпрок тери юзасига колиб кетади, натижада терини ювганда тери юзаси қисқариб, унинг юзида бурмалар ҳосил бўлади. Кейинги ишлов беришда тери юзасида ёруглар пайдо бўлиши мумкин. Шунинг учун ишлов бериш реагентлари концентрациясини катта олиш ярамайди.

4. Жараён давомийлиги механик таъсир ва реагентлар концентрациясига боғлиқ бўлади. Бундан ташқари ишлов бериш ҳароратига хам боғлиқ бўлади. Концентрация ва ҳарорат юқори бўлса, жараён тез боради ва ишлов бериш муддати кискаради.

5. Ишлов берадиган суюқликни ёши деганда жараён учун ишлатилган суюқликнинг неча марта такрор ишлатилганини тушунамиз. Чарм ишлаб чиқаришда ивитиш-куллаш жараёнлари суюқлигини 5-10 мартагача ишлатиш, ошлаш жараёнлари суюқлигини 5 мартагача ишлатиш мумкин. Ишлатилган суюқлик қанча кўп ишлатилса, сув сарфи шунча камаяди. Лекин суюқлик таркибида қўшимча моддалар кўпайиб бориши кимёвий реагентларни диффузиясини пасайтиради.