“Яшил бозор” дала дўконлари орқали маҳсулотларни аҳолига арзон нархларда етказиб бериш тизимини йўлга қўйиш борасида берилган топшириқ ижросини таъминлаш мақсадида Бош прокуратура ҳузуридаги Департамент бошлиғи Д.Рахимов Самарқанд, Навоий ва Қашқадарё вилоятларида бўлиб, кўп тармоқли фермер хўжаликлари фаолияти билан яқиндан танишди.

Шунингдек, ушбу вилоятлар ҳокими ва прокурорлари билан ўтказилган учрашувда, дала дўконларни ташкил этиш, мазкур тажрибани вилоят марказларида ҳам жорий этиш, фермерларга кўмаклашиш ҳамдамавжуд муаммоларни бартараф этиш бўйича аниқ чора-тадбирлар белгилаб олинди.

Булунғур туманидаги “Муслима Шерали Саодат” фермер хўжалигининг фаолияти билан танишилди. Мазкур фермер хўжалигининг ер майдони 24,4 гектарни ташкил этиб, хўжалик шу йилда дастлабки экиндан 285 тонна картошка, 90 тонна пиёз ҳамда 84 тонна ғалла олиш имкони мавжудлиги, такрорий экинда эса полиз маҳсулотлари етиштириш режаланганлиги аниқланди.