Bu pechkada har smenada 500 ta non ishlab chiqarish quvvatiga ega bo‘lib, uning elektr energiyasiga bo‘lgan talabi soatiga 21 kilovatni tashkil etadi. Bir qo‘yishda 60 dona non qo‘yiladi va bu nonlar 40 minutda tayyor bo‘ladi. Hamir qorish uskunasining ishlab chiqarish kuvvati soatiga 150 kg hamirni qorish quvvatiga ega bo‘lib, uning elektr energiyasiga bo‘lgan talabi 15 Kvt.ni tashkil qiladi. Bir qorishda 50 kg unni 20 minut davomida hamir holatiga keltirib qoriladi. Yuqoridagi texnik talablardan kelib chiqqan holda sexning elektr energiyasi sarfi hisobini keltiramiz. Tadbirkor tomonidan kuniga 500 dona non ishlab chiqarishni hisobga olsak, hamir qorish uskunasiga 185 kg unni hamir qilib qorish uchun uskuna jami bo‘lib 4 marta, ya’ni 80 minut davomida to‘xtovsiz ishlaydi. Elektr energiyasiga bo‘lgan talabi soatiga 15 kVt.ligini hisobga olsak, 500 dona nonga yetarli hamir tayyorlash uchun uskuna 15x1,3=19,5 kVt.ni tashkil qiladi.