Ҳар хил турдаги жўжаларни тавсия қиламиз. Масалан, бройлер жўжалари: Бройлер жўжаларни боқишда катаклардан фойдаланиш тавсия этилади. Бундай усулда боқишнинг афзаллиги шуки, бир хил хажмдаги майдонда ерда боқилганга нисбатан 1.5 баробар бош парранда ушлаш, мос равишда парранда гўштини ҳам кўп олиш мумкин.

Бройлер жўжаларининг тагига қалин тўшама: тоза ёғоч қипиғи, майдаланган похол 10-12 см қалинликда ишлатилади. Тўшама ҳарорати пол билан бир хил бўлиши керак. Агар тўшама бир текисда ётқизилмаса, сув ва озуқага бир текис етолмаганлиги туфайли бройлер жўжалари бир хил ўсмайди. Бройлер жўжаларини боқиш зичлиги 1м2 га 12–14 бошни ташкил этади, шунда 1м2 боқиш майдонида тирик вазнда 30–35 кг парранда гўшти етиштирилади.