Гўзаллик салонлари турлари

Гўзаллик салони очишдан олдин мақсадларингизни аниқ белгилаб олишингиз даркор. Кичикроқ оилавий бизнес тарафдори бўлсангиз, стандарт хизматлар — соч турмаклаш, кесиш,  бўяш, қош териш, макияж кабилар кўрсатиладиган оддий салон етарли. У йил мобайнида барқарор киримни таъминлаб туради. Бундай салонни чекка қишлоқ жойларда ҳам ҳеч чўчимай ташкил этиш мумкин. Асосий мижозлар — маҳалла-кўй, қўни-қўшнилар, ён-атрофдаги ишхоналарнинг ходимлари.

Ўртача даражадаги гўзаллик салонини йўлга қўйиш учун нисбатан каттароқ маблағ керак бўлади. Хизмат даражаси юқори бўлиши талаб этилади. Иш мавсумийлиги билан ажралиб туради — байрамлар олдидан, баҳор бошланиши ва қиш ўрталарида айниқса одам билан тўлиб-тошади. Бундай салонларда маникюр, педикюрдан бошлаб кўрсатиладиган хизмат турларини ошириш мумкин.

гар гўзаллик салони очмоқчи бўлсангиз, энг оддийсидан бошлаганингиз маъқул. Имконият даражасидан келиб чиқиб, бир нечта туманларда шундай гўзаллик салони фаолиятини йўлга қўйсангиз бўлади. Кейин ўртача даражадаги бир-иккита салонга қўл уриб кўринг. Секин-аста шаҳарнинг қоқ марказидан энг яхши ускуналарга эга бўлган муассаса очишга маблағларингиз бўлади.

Асбоб-ускуналар, жиҳозлар, зарур ашёлар
Гўзаллик салонини жиҳозлаш учун Сизга қуйидагилар керак бўлади:

• мижозлар учун махсус айланма креслолар;
• ҳар бир мутахассис учун тумбали йирик ойна;
• ғилдиракли аравачалар;
• сочиқлар учун сават;
• соч ювишга мўлжалланган кресло ва ювгич;
• сув иситгич;
• сочни бўяш ва жингалак қилишга мўлжалланган инфрақизил аппарат;
• алоҳида косметологик хизматлар учун аппаратлар;
• раковиналар;
• асбоблар учун шкаф