"Mahsuldorlik ko‘rsatkichlari juda yuqori. 6-7 oyda qo‘zilarning vazni 55-60, bir yoshda 75-80, katta qo‘chqorlar 175-180 kilogrammga yetadi. Bu fermerlarimiz uchun qo‘ychilikdan daromadni oshirish uchun yaxshi imkoniyat", - dedi vazir.

Vazir zotga ichki va tashqi bozorda talab katta ekanligini ta’kidladi. Hozir jami 5 850 bosh "toza zot" mavjud, ularning soni kamligi sababli narx yuqori.

"To‘rt besh oylik qo‘zichoqning narxi ming dollarni tashkil etadi. Narxi 50 ming dollarga etadigan qo‘chqorlar ham bor. O‘rtacha nasldor qo‘chqor - 10 mingdan va undan ortiq. Qozog‘iston va Rossiyadan buyurtmalar ko‘p. Allaqachon bu zotli qo‘ylar sotilmoqda", dedi Qishloq xo‘jaligi vazirligi rahbari.