Issiqxonalar – yil mobaynida yoki bahor, yoz, kuz va qish faslida ishlatiladigan yon to‘siqlari va nur o‘tkazadigan qoplamasi bo‘lgan katta hajmli ekin o‘stiriladigan binolardir. Ularda zamonaviy mu-handislik vositalari yordamida o‘simliklarni o‘stirish uchun maqbul sharoitlarni yaratib berish mumkin.

Issiqxonalarning vazifasi mavsumdan tashqari vaqtlarda mahsulot yetishtirish va shuningdek, himoyalangan hamda ochiq yer uchun ko‘chat yetishtirib berishdan iborat.

Issiqxonalarning fundamenti, sinchlari, yon tomonlari devorlari va yopqichi ularning asosiy konstruktiv elementlari hisoblanadi. Isit-ish, shamollatish, suv va elektr bilan ta’minlash, karbonat angidrid gazi bilan boyitish tizimlari issiqxonaning ichki jihozlariga kiradi.

       Issiqxonalar qurilish, inventar va foydali maydonlarga ajratiladi. Qurilish – bu issiqxonaning asosini tashqi parametri bo‘yicha egallagan maydon, inventar – issiqxonani ichki uzunligi va eni hosilasi, yerli issiqxonalarda o‘stirilayotgan ekinlar egallagan yer, qator oralari va qator orasidagi yo‘laklar, so‘kchakli issiqxonalarda barcha so‘kchaklar va ularga osib qo‘yilgan supachalar (polok) foydali maydondir.

            Bir zvenolilarga: 1. Yassi (gidroissiqxonalar); 2. Bir nishabli; 3. Ikki nishabli.

4.Poligonal (ko‘p burchakli); 5. Arkasimon (yarim yoysimon). Blokli: 6. Ikki nishabli; 7. Poligonal (ko‘p burchakli); 8. Arkasimon.