1. Ярим интенсив усулда сунъий кўлда, 10 сотих ер майдонида чуқурлиги 2 метр бўлган бассенда ўртача 100 грамлик чавоқдан 800-1000 дона ташланади ва бир мавсумда 2-2,5 тонна омухта ем сарфланади, Доимий оқар сув манбаи талаб этилади. 2-2,5 тонна омухта ем бериб боқилганда 6 ой давомида 1 та сазан балиғи 1-1,2 кг вазнга эга бўлади.

2. Интенсив усулда бетон пластик ҳавзаларда, 1м3 сув ҳавзасига, 30-50 дона (25-40 гр) балиқ чавоқлари ташланади ва 2- 2,5 коэфициентда омухта ем бериб боқилади. Интенсив усулда балиқ етиштириш мураккаб жараён бўлиб, ҳавзадаги балиқлар сони экстенсив ёки ярим интенсив хавзаларга кўра зич жойлаштирилади. Сувни кислород билан тўйинтириш, механик тозалаш, зарарсизлантириш ҳамда балиқни автоматик тарзда озиқлантириш ускуналари талаб этилади. Доимий электр таъминоти талаб этилади. 2-2,5 коэфициентда омухта ем бериб боқилганда 6 ой давомида 1 та сазан балиғи 400-600 г вазнга эга бўлади.

3. Ёпиқ сув айланма тизими - УЗВда, 1м3 сув ҳавзасига, 30-50 дона (25-40 гр) балиқ чавоқлари ташланади ва 2- 2,5 коэфициентда омухта ем бериб боқилади. Балиқлар ёпиқ бинода сунъий бассейнларда боқилади. Доимий электр таъминоти талаб этилади. Масофадан дастурий йўл билан бошқариладиган сувни кислород билан тўйинтириш, сув хароратини ўзгартириш, ўлчаш, механик тозалаш, зарарсизлантириш ҳамда балиқни автоматик тарзда озиқлантириш ускуналари талаб этилади.