Олма дунёдаги энг кўп етиштириладиган мева ҳисобланади. Унинг 7500 дан ортиқ тури мавжуд. Олмани пўсти билан еган маъқул, чунки барча фойдали моддалар пўст остида йиғилади. Олма пўчоғида овқат ҳазм қилинишини яхшиловчи целлюлозалар кўп. Олма қондаги холестерин миқдорини камайтиради. Шунингдек олма меваси суяк ва тишларни мустаҳкамлашда, шунингдек, саратоннинг олдини олишда яхши фойда беради.

Олма кўчатларини ноябр ойида ёки феврал ойининг охири, март ойининг бошларида экиш мақсадга мувофиқ.

Олма кўчатларини экиш учун ер майдони кузда маҳаллий ва минерал ўғитлар билан тўйинтирилади. Ерга гектарига 6-10 т гўнг, чиринди ҳамда 2-2,5 т фосфор солиниб плугланади. Олма кўчатларининг кенг тарқалган навлари – Симиринко, Голден, Беш Юлдуз, Розмарин, Тошкент Боровинкаси, Тилла олма, Самарқанд аълоси, Нафис ва бошқалар. Олманинг кучли ёки кучсиз ўсиши пайвандтагига боғлиқ, шунинг учун боғ яратишда кўчат пайвандтагига алоҳида эътибор бериш керак.