Тандирнинг ҳарорати 200-250 даража бўлади. Соғлиққа таъсир қилмаслиги учун белни бақувват қилиш керак. Иссиқ-совуқдан эҳтиёт бўламиз. Бунинг учун қишда терламаслик, ёзда совуқ сув ичмаслик ҳаракатида бўламиз.Нонвой акамиз тайёр бўлган нонларни узишга шошаётгани яққол кўриниб турган, бир нон пишгунига қадар давом этган суҳбатимиз шу ерда якунланди.Нон шундай тенгсиз, улуғ неъматки, унинг баҳоси, қадр-қимматини ўлчайдиган тарози ҳамон кашф этилмаган. Ер юзидаги барча халқлар ва мамлакатлар осуда ҳаётини, эзгу орзуларини биринчи навбатда шу азиз неъмат тимсолида тасаввур қилиши бежиз эмас. Албатта, турли тот ва мазага эга нонларни эл дастурхонига етказиб бераётган нонвойлар меҳнати ҳам бу жараёнда алоҳида таҳсинга лойиқ.Тандир ясовчи ҳунармандлар азалдан эл-юрт эътиборида бўлган. Боиси, тандир ясаш – анча мураккаб жараён. Лой қоришдан тортиб уни пишитиш, тиндириш, тандир шаклига келтириб, токи маҳсулот тайёр бўлгунча ишлов бериш ва қуритиш уста ҳунарманддан сабр ва диққатни талаб этади. Ўлчами 2.20 х 1.80 х 1.50 см