Томорқа сабзавотчилиги

­

ТОМОРҚА ХЎЖАЛИКЛАРИДА САБЗАВОТ (картошка, помидор, бодринг, ширин қалампир ва бошқалар) ЭКИНЛАРИНИ ЕТИШТИРИШ ТЕХНОЛОГИЯСИ

­

Сабзавот полиз экинлари ва картошкачилик илмий тадқиқот институти олимлари ва мутаҳассислари томонидан тузилган тавсиялар.

­

Помидор

­

Экиш учун тавсия этиладиган навлар: эртапишар Дўстлик, Сахий, Шафақ, Севара, ўртаэртапишар Тошкент тонги, ўртапишар ТМК-22, Ўзбекистон-178, Сурхон-142, Боходир, Шарқ юлдузи, Ситора, Истиқлол 10, Авиценна, кечпишар Намуна-70, Дони 2000.

­

Кўчат экиш схемаси: Помидорнинг эртапишар ва ўртапишар навлари у қадар нишаб бўлмаган далаларда 70x25 (30) см, текис майдонларда 90x25 (30)см, узун палакли навлар 90x40 см схемада экилади. Экилгандан кейин кўчатларни албатта суғориш зарур. 1 сотих майдонга экиш схемасига қараб 280 – 570 та кўчат сарфланади.

­