Samarqanddagi “ELXOLDING” korxonasida elektr dvigatelli yuk mototsikllarini ishlab chiqarish yoʻlga qoʻyiladi Bu Investitsiya dasturida belgilangan.

Buning uchun 7,6 milliard soʻm mablagʻ sarflanadi. Natijada joriy yilda 500 ta elektr dvigatelli yuk mototsikllari bozorga chiqariladi.

Mazkur korxona hozirda 200 sm/kub dvigatelli uch gʻildirakli “ELDOSH EL-200” rusumli mototsikllarini ishlab chiqarmoqda. Bunday mototsiklni 20-21 million soʻmga sotib olish mumkin. Elektr dvigatelli mototsikllarning narxi qancha boʻlishi hozircha maʼlum emas.

“ELXOLDING” korxonasida, shuningdek, interaktiv sensor panellar ishlab chiqarish ham yoʻlga qoʻyilmoqda. Yiliga 5 ming dona sensor panellar ishlab chiqarish quvvatiga ega ushbu loyiha qiymati 41,4 milliard soʻmni tashkil etadi.