Асал, мум, асалари сути, асалари елими, асалари заҳари каби ноёб маҳсулотлар етиштиришда, энг муҳими қишлоқ хўжалиги экинлари ҳосилдорлигини оширишда ўрнини бошқа ҳеч бир восита боса олмайдиган қишлоқ хўжалиги тармоғи сифатида кейинги йилларда асаларичиликни жадал ривожлантириш, сифатли асал маҳсулотлари ишлаб чиқариш ҳажмини кўпайтиришга катта эътибор қаратилмоқда. 

Президентимизнинг 2017 йил 16 октябрдаги «Республикамизда асаларичилик тармоғини янада ривожлантириш чора-тадбирлари тўғрисида»ги қарори соҳани ривожлантиришнинг янги имкониятларини очди ва бу имкониятлар самарасини вилоятда ушбу соҳада олиб борилаётган ишлар, эришилаётган натижалар ва навбатда кўзда тутилаётган лойиҳалар мисолида ҳам кўриш мумкин.

Боғингиздаги мевалардан шакар олишнинг иложи йўқ. Лекин ўша меваларни еётган асалариларни кўриб қолсангиз, уларни ҳайдашга шошилманг. Чунки улар манзилига етиб олиш учун меваларни ер экан. Бу ҳақда «Masrawy.com» хабар бермоқда.

«The Mirror» газетасида келтирилишича, боларилар юқори ҳароратда гулларни чанглатиш ёки асал йиғиш жараёнида чарчаб қолар экан. Шу боис бу жониворлар оз миқдорда шакар еса, инларига омонликда қайтиб келар экан.

Олимлар ўтказган илмий тадқиқот шуни кўрсатмоқдаки, одамлар истеъмол қиладиган меваларнинг учдан бир қисмини арилар тўйинтирар экан.

Демак, дунё аҳолисининг 90 фоизи ариларнинг бу хизмати олдида қарздор.