Asar voqealari urush o‘chog‘ida ro‘y beradi. Balog‘at yoshidagi qizning bu vahshat vodiysiga tushib qolishi aslo tasodif emas. Urush ortidagi mehnati bilan takror tuhmatlarga uchrayvergach, o‘zini-o‘zi borsa-qaytmasga hukm qiladi. Jangda ham jiddiy sinovlarga ro‘baro‘ keladi. Dushmanga qarshi urushda tarafdorlari tomonidan o‘limdan og‘ir jazoga hukm qilinganda esa sukut va sabr bilan kutadi. Haqiqatning qaror topishi juda qiyin, ammo baribir yuzaga chiqadi.