Tebranish so’ndiruvchi prujinali qurilma burg’ilovchi mashinistni tebranishdan ximoya qilishga mo’ljallangan. U rukoyat 1 va ikkita truba 2 shaklidagi yengil payvandlangan ramadan tashkil topgan. Trubalarda polzun 20 li ishchi prujinalar joylashgan. Tebranishni so’ndirish uchun yo’naltiruvchi kronshteyn 24 va tayanch kolьtsalar oralig’iga ikkita 23 yordamchi prujinalar o’rnatilgan.SHovkin so’ndirgich 8 rezinadan tayyorlangan bo’lib, kamerasi silindr tashqi yuzasiga qoplangan. SHovkin so’ndirgich o’q atrofida aylanuvchan bo’lib, burg’ilovchi o’ziga qulay holatda aylantirishi mumkin. U ovoz darajasini taxminan 1,5 marta pasaytiradi.Perforatorning ishlash prinsipi. Zarb beruvchi porshen siqilgan havo ta’sirida oldinga va orqaga harakatlanadi. Bu harakatlar havotaqsimlash qurilmasining siqilgan havoni silindrning o’ng va chap yuzalariga navbatma-navbat uzatishi natijasida sodir bo’ladi. Oldinga harakatlanish vaqtida zarb beruvchi porshen ishchi qadami oxirida perforatordagi burg’ilash asbobini tutib turuvchi qismiga zarb kuchini yetkazadi; zarb beruvchi porshen orqaga harakatlanganda xrapovik qurilma 5 va buriluvchi vint 6 lar yordamida ma’lum burchakka buriladi. Bunda u o’ziga birikib to’rgan buksa 13 i grandbuksa 14 va burg’ilash asbobi xam buriladi.