Қолип – пенаблок қоришмаси қуйиладиган конструкцияси пенаблок элементининг геометрик шакли ва ўлчамларини таъминловчи вақтинчалик ёрдамчи конструкциядир. Қолипда қоришма қотади, пенаблокга айланади ва у талаб қилинадиган мустаҳкамликка эришгандан сўнг, ёрдамчи конструкция (қолип) ечилади. Қўлланилиш мақсадига мос равишда қолипларга бир қатор талаблар қўйилади: мустаҳкамлик, қаттиқлик, ўлчамлари аниқлилиги; конструкцияси оддийлиги; енгил бўлиши ва тайёрлаш учун кам меҳнат сарфланиши; танасидан цемент сутини ўтказмаслиги; кулай йиғилиши ва ечилиши. Тайёрлаш жараёнида қўлланиладиган материалларга боғлиқ равишда қолиплар қуйидаги турларга бўлинади: - ёғоч қолиплар, ишчи юзаси, таянч каркаслари, чегараловчи ва бошқа элементлари ёғоч материалларидан (доска, брусь ва ҳоказо) ясалади; - металл қолиплар, ишчи юзаси силлиқ, текис металлдан (металл лист), таянч конструкциялари темир бурчаклардан, швелерлардан ва балкалардан ясалади; - ёғоч–металл қолиплар, ишчи юзаси силлиқ, текис ёғоч доскалардан (тахталардан) ёки фанерадан, таянч қисмлари металлдан ясалади; - бетон ёки темир-бетон қолиплар, бетон ёки темир-бетондан ясалган плиталар ёки блоклар