ТИКУВ МАШИНАСИ — кийимкечак тикиш, буюмларни безаш (чоклар ҳосил қилиб нақш тушириш), уларни қавиш ва б. мақсадларда ишлатиладиган машина. Т. м. ни биринчи марта 1755 й. да инглиз ихтирочиси Ч. Ф. Вейзенталь ихтиро қилган. Немис ихтирочиси И. М. Зингер Т. м. ни такомиллаштирди (1851), шундан сўнг саноатда кенг қўлланила бошлади. Тикув машинаси чоклайдиган, тугма қадайдиган, тепчийдиган (кўклайдиган) ва ҳ. к., қўлда, оёқда ва электр билан ҳаракатланадиган, мокили ва мокисиз, бир ва кўп игнали хилларга бўлинади. Ишлаш принципига қараб, универсал (турли операцияларни бажарадиган) ва махсус (битта операцияни бажарадиган) Тикув машинаси бўлади (мас., тугма кадаш машинаси). Универсал Тикув машинасининг энг кўп тарқалгани бир игнали, мокили чокловчи машинадир. Булар саноат ва уйрўзғорда кенг ишлатилади. Кўп игнали Тикув машинаси лари ичида икки игналиси кўпроқ қўлланилади. Чокларни пайвандлаб ва елимлаб бириктирувчи Тикув машинасилари ҳам бор. Т. м. дан тикувчилик, трикотаж, пойабзал, галантерия саноати ва уйрўзғорда фойдаланилади.