Асосан ғоз жўжалари касалланади. Касаллик фосфор ва кальций моддалари алмашинуви бузилишидан келиб чиқади. Озуқа таркибида ушбу моддаларнинг етишмаслиги ва яна паразитар касалликлар натижасида D3 витамини етишмаслиги оқибатида ҳам рахит касаллиги келиб чиқиши мумкин.
Асосий характерли ўзгаришларидан бири бу суяк тизимининг ўзгаришидир. Бошланишида суякларда кучсизлик сезилади ва чўлоқланиш кузатилади. Кейинчалик суяклар букилади (қийшаяди). Кўкрак суяги, қовурға ва тумшуғи юмшайди ва шаклини ўзгартиради. Парранда ҳолсизланади ва ўсишдан орқада қолади.
Профилактика мақсадида тўйимли D3 витамини ва кальций ҳамда фосфор муносабати 1,5-2:1 га тенглаштирилган озуқа бериш фойдали. Ёз мавсумида ўтлоқларга ҳар куни
олиб чиқиш мақсадга мувофиқ. Қиш мавсумида рационга беда пичани, озуқага D3 витамини, тривитамин, балиқ ёғи ва минераль қўшимчалари (гўшт-суяк уни, суяк уни, бўр, чиғаноқ, озуқабоп оҳак, моно-, ди- ва трикальций фосфат) берилади. Қишда парранданинг қуёш нурида 3-4 соат бўлиши D-гиповитаминознинг олдини олади.