Кўчма дўконларни бозорлар, таълим муассасалари, шифохоналар олдига ўрнатса бўлади, - дейди Қаҳрамон Абдуғаниев. - Уларга 250 литрли музлатгичлар ўрнатилгани боис, иссиқ иқлимда ҳам озиқ-овқат маҳсулотлари сифатли сақланади. Янги тайёрланган таом  беморлар, ўқувчилар учун хавфсиз ва фойдали бўлиши табиий. Ҳақиқатан, кўчма дўконларнинг афзалликлари кўп. Тайёр бизнес макони дегани бу. Унга ишлаб чиқарувчилар мижоз истаган буюмларни ўрнатиб бериши мумкин. Ер олиб, қурилиш қилиб, кўтарилган бинодан кўра, ихчам, чиройли ва замонавий офис яратиш учун мазкур маҳсулотлар жуда қулай.

“Good trucks”нинг истиқболли лойиҳалари кўп. Корея Республикасининг “KANGLIM”, Хитойнинг “ХСМG”, Италиянинг “COMET” компанияларининг  ягона дилери бўлган корхонада жаҳон талабларига жавоб берадиган янги маҳсулотлар яратилмоқда.