СИГИР — бузоклаган урғочи қорамол. Урғочи бузоқлар зотига ва ўсишига қараб 18—20 ойлигида ғунажин бўлиб етишади ва қочиришга қўйилади. Бўғозлик даври ўртача 282—285 кун. Ғунажинлар туққанидан кейин Сигирлар гуруҳига киритилади. Сигирлар, асосан, сут ва бузоқ олиш (подани тўлдириш) учун боқилади. Уларнинг соғим даври 300 — 305 кун. Ўзбекистонда боқиладиган қизил чўл, бушуев, қораола, швиц зотли Сигирлар бир йилда 3000—6000 кг ва ундан кўп сут беради. Сигирлар ўртача 20 (баъзан 35) йил яшайди. Хўжаликларда Сигир лардан 5—6, айрим сермаҳсул, ўртача йиллик соғими 9—12 минг кг бўлган рекордчиларидан 9—10 марта туғишига қадар фойдаланилади. Қисир қолган, қариган, нуқсонли Сигирлар семиртириб гўштга топширилади.