Мотоблок – ерни қайта ишловчи, экин экувчи, ариқ очувчи ихчам деҳқончилик техникаси, уни мини трактор билан солиштириш мумкин. Мотоблок 2 та ғилдиракка эга бўлади, айрим турларида 3-бошқаришга ёрдам берувчи ғилдиракчани учратиш мумкин. Техникадан асосан катта экин майдонларини қайта ишлаш учун фойдаланилади, бунда инсон кучи ва вақт сарфини анчагина тежашга эришилади.

Мотоблок ишлаш принципи двигателнинг айланма ҳаракатини ғилиракларга беришига асосланган. Қўшимча ускуналарни айланувчи қисмга улаш мумкин. Мотоблокни бошқариш ўрнатилган дастак орқали амалга оширилади, бу дастакда тормоз, тезликни ўзгартирувчи тугмалар ўрин олган.

Қишлоқ хўжалигини соҳасини ривожлантириш маҳаллий шароитларга мосланган замонавий техникаларни талаб қилади. Қуйида юртимизда таклиф этилаётган мотоблоклар нархи ва тавсифи келтирилган.