Ishlab chiqaruvchilar va dizaynerlar mazkur modelning tashqi ko'rinishiga alohida e'tibor qaratganlar. U qora rangda ishlangan bo'lib, barcha tugmalar qurilmaning yuqori qismiga joylashtirilgan va ular juda tez ishlashi bilan foydalanuvchilarga ma'qul kelishi aniq. O'lcham borasida unchalik katta bo'lmagan ushbu fotoapparatni qo'lda tutish juda ham qulay bo'lib, uning maxsus kamari yordamida bo'yinga osib olish mumkin. Kameraning obyektivi esa himoya qoplamiga ega va u qurilma shishasini tashqi shikatlanishdan va tirnalishlardan himoya qiladi.