Олимларнинг изланишлари дуккакли ўсимликлар меваси, яъни, мош, ловия, нўхатни доимий тарзда меъёрида истеъмол қилиш инсонларни юрак хасталиклари хавфидан асрашини аниқлаб берди. Бундан ташқари, юқорида номлари санаб ўтилган маҳсулотлар гипертониядан ҳам асраши маълум бўлди. Бунинг сабаби шуки, дуккакли ўсимликлар меваси таркибида инсон организми учун фойдали витаминлар, жумладан, оқсиллар кўпчиликни ташкил этади. Уларнинг таркибида ёғ жуда кам, холестерин умуман йўқ. Қондаги қанд миқдори сакраб кетишига йўл қўймайди. Яна улар ичак шамоллаши, қандли диабет хавфини маълум фоизга камайтириб туради. Бунинг учун ҳафтасига икки-уч марта мошли, ловияли ва нўхатли таом истеъмол қилиб турилса кифоя.