ТРУБА — диаметри узунлигига нисбатан анча кичик бўлган ичи бўш буюм; бино, иншоот ва машиналарнинг найсимон шаклли кисми. Асосан, суюклик, буғ, газ, айрим ҳолларда сочилувчан қаттиқ жисмларни бир жойдан иккинчи жойга элтиш учун ишлатилади. Труба машинасозлик, асбобсозлик, қурилиш, кон саноати, гидротехника иншоотларида кенг кулланади. Труба кора ва рангли металл, бетон ва темирбетон, сопол, асбоцемент, ёғоч, пластмасса, шиша, чинни (фарфор) ва б. материаллардан тайёрланади. Пўлат ва чўян Т. лар кенг тарқалган. Чўян Труба қуйиш йўли билан, пўлат Труба эса прокатлаб ёки пайвандлаб тайёрланади. Труба ларнинг кесими айлана, тўртбурчак, овал ва б.