Ривожланган мамлакатларда асаларичилик тизимига инновацион технологияларни қўллаш, жаҳон генофондига мансуб машҳур асалари зотлари ва типларини яратиш, маҳаллий зотларни такомиллаштириш орқали ҳар бир асалари оиласидан камида 50-60 кг гача асал олишга, минг турли хасталикларга шифо бўладиган асалари маҳсулотлари ҳосилдорлигини оширишга эришилмоқда. Ҳеч шубҳа йўқки, асаларичилик том маънода бойлик, оилага қут-барака олиб келадиган соҳадир. Ҳовлисида асалари боқаётган, унинг наслчилиги, илми билан шуғулланаётган кишилардан бир сўранг, фойдаси қандай денг, улар ҳавасингизни келтириб сўзлайди, асалдан бир татиб кўринг, дейди. Ана шу касб билан сиз ҳам шуғуллансангиз бўладими, албатта бунга имкон бор. Ушбу  масалада биз ёрдам берамиз.