Лойиҳа ҳақида

Ўзбекистон Республикаси Президентининг 2021 йил 27 март ва 20 декабрдаги Қарорлари ижроси сифатида “Оилавий тадбиркорликни ривожлантиришга мўлжалланган кредит маблағларини бошқариш” ахборот тизими ишлаб чиқилди. Унинг доирасида махсус электрон савдо майдони smart-market.uz тизими ташкил этилиб, унда барча йирик ишлаб чиқарувчи, улгуржи савдо, етказиб берувчи корхона ва ташкилотлар учун ўз маҳсулот ҳамда хизматларини эркин сотиш имконияти яратилди. Smart-Market тизими маҳсулот ишлаб чиқарувчи ва хизмат кўрсатувчиларга мижозлар оқимини кўпайтиришдан ташқари, шартнома, ишончнома, ҳисобварақ-фактура, далолатнома, тўлов топшириқномаси каби бухгалтерия ҳужжатларини электрон шаклда осон расмийлаштириш ва ҳисобини юритиш, бунда иш сифатини ошириб, сарф-харажатларни сезиларли даражада камайтириш имкониятларини ҳам беради. Платформамиз маҳсулот ва хизматларини танлаб яқинларингизга шодлик улашинг!
Smart-Market - тўғри танлов!