Meva-sabzavot, go‘sht va sut mahsulotlarini saqlash uchun muzlatgichlar (xolodilnik) qurish anchayin daromadli biznes. Ayniqsa eksportga yo‘naltirilgan meva va sabzavot mahsulotlarini yetkazib berish muddati kelguncha saqlash zarurati muzlatgichlarga bo‘lgan talabni oshirmoqda.

Muzlatgichlar qurishni asosan 3 usulda amalga oshiriladi:

Tayyor yig‘ilgan muzlatgich kamerasini sotib olish;
Muzlatgichni harorat o‘zgarishidan himoyalaydigan (teploizolyatsion) yig‘ma-panellardan yasash;
Omborxona uchun foydalaniladigan xonalarni muzlatgichli kameraga aylantirish;

Istalgan turdagi muzlatgich qurish uchun haroratni belgilangan darajada ushlab turuvchi sovuchgich qurilmalaridan foydalanish talab etiladi. Montaj ishlarini bajarishda malakali mutaxassis yordami kerak bo‘ladi.

Tayyor yig‘ilgan muzlatgich kamerasi

Muzlatgich qo‘lga kiritishning tez va oson usuli bu yig‘ilgan muzdatgich kamerasini sotib olishdir. Yig‘ilgan muzlatgich kamerasi – bu penopoliuretan materialidan tayyorlanib mahkamlangan teploizolyatsion panellar jamlanmasi. Bunday kameralarning afzalligi shundaki ularni qismlarga bo‘lib, yangi joyda qaytadan yig‘ish oson. Yig‘ma kamera jamlanmasiga maxsus izolyatsiyalangan eshik ham kiradi.

Fermer va eksportchi korxonalar yig‘ma kamera hajmi va o‘lchamlarini hisoblab chiqib, muzlatgich kameralarini sotib olishlari mumkin. Bunday kameralarni 2-3 kishi bemalol yig‘ishlari mumkin.

Yig‘ma kameralar mustahkamlanish usuliga ko‘ra 2 turga bo‘linadi:

plastik profildan yasaladigan shin-paz turi;
ekssentrik qulfli turi.

Ekssentrik qulfli kameralar panellari zich va mustahkam mahkamlanlanishi bilan ajralib turadi va ular ko‘p marta yig‘ib-sochishga chidamli bo‘ladi. Shin-paz kameralar narhi arzon bo‘lsa ham, ularni yig‘ishda germetikdan foydalaniladi. Shin-paz kameralardi plastikli mahkamlagich panellarni juda ham zich qilib birlashtirolmaydi. Bunday turdagi kameralar o‘lchamlari 2-3 m dan ziyod bo‘lmaydi.

Ekssentrik qulf kameralari ishlab chiqaruvchilar: Astra (Rossiya), Teledoor, Viessmann (Germaniya).

Shin-paz plastik mahkamlagichli kamera ishlab chiqaruvchilar: Polair, Ariada, Sever (Rossiya).

Yig‘ma muzlatgich kamerasi narxi anchagina qimmat bo‘lsa ham, talab etiladigan o‘lchamli muzlatgichga ega bo‘lishning eng tez va oson usuli.

Muzlatgichni yig‘ma-panellardan yasash;

Muzlatgich kamerasini qurilish panellaridan mustaqil yig‘ish mumkin. Bunda qancha miqdorda, qanday uzunlikdagi panellarni sotib olishni hisoblab chiqish zarur. Ishlab chiqaruvchilar tomonidan panellar uzunligi 1100-1200 mm qilib chiqariladi.