ФОТОРЕПОРТАЖ

Фарғона шаҳридаги “Good trucks” масъулияти чекланган жамияти раҳбари Қаҳрамон Абдуғаниевнинг айтишича, бундан роппа-роса икки йил олдин, пандемия чекловлари жорий қилинган бир пайтда ташкил этилган ушбу корхона маҳсулотлари жаҳон бозорига чиқишга шай турибди. Бу ерда кўчма озиқ-овқат ва савдо дўконлари, изотермик фургонлар, вахта фургонлар, мобиль рентген лабораториялар, мобиль маммограф, ҳаво платформа кўтаргичи ва кранмонипуляторлар ишлаб чиқарилаётир.

Ўттизга яқин ишчи-ходимдан иборат жамоа туркиялик ва россиялик конструктор технологларнинг тажрибасини ўрганган  ҳолда бир ойда 10 тагача кўчма дўкон тайёрлаётир. Бугунгача 4 метрдан 8,5 метргача бўлган узунликдаги кўчма савдо шохобчалари савдога чиқарилди. Нархи катта-кичиклиги, жиҳозланишига қараб баҳоланади.