Тахламли юбкани дазмоллашда унинг тахламларини канцелярия скрипкалари билан алоҳида бириктириб қўйсангиз, жараён енгил кечишига эришасиз. Кийимдаги аппликация (гул, безак)лар эса устига икки қават дока ёпилган ҳолда дазмолланади. Ип ёки жун матодан тикилган кийимларни дазмоллашдан олдин ҳам мато ялтираб қолмаслиги учун уларни дока остига қўйиш керак бўлади. Яхши қуримаган кийимларнинг чоклари, қалин жойлари баъзан дазмолдан кейин ялтираб қолган тақдирда ялтираган жойни ҳўллаб сиқиш, бир муддат буғ устида тутиб туриш, қуригач, орқа томонидан юпқа мато қўйиб дазмоллаш лозим.