ЕР (ишлаб чиқариш воситаси сифатида) — меҳнат жараёнининг зарурий моддий шарт-шароити ва энг муҳим ашёвий омилларидан бири. Ер инсон ҳаёти учун зарур бўлган моддий шароитлар орасида тупроқ қоплами, ер ости бойликлари, ўрмонлари, суви билан алоҳида аҳамиятга эга. И. ч. жараёнига ки-ритилган Ерга жонли ва буюмлашган меҳнат сарф этилиши б-н у и. ч. воситаси бўлиб қолади. Ammo моддий и. ч. даги турли тармоқларнинг ривожланишида Ернинг иқтисодий ўрни турличадир. Ундирувчи саноатда Ер жамият учун зарур бўлган бойликлар қазиб олинадиган хазина бўлиб хизмат қилади. Қ. х. ишлаб чиқариши Ер, тупроқ унумдорлиги, табиий, биологик жараёнлар б-н бевосита боғлиқдир. Қ. х. да Ер меҳнат жараёни кечадиган умумий шароит ва майдон бўлишидан ташқари яна 2 муҳим вазифани бажаради: и. ч. жараёнида инсон таъсир кўрсатадиган меҳнат предмети ва инсон ўзи етиштирадиган қ. х. ўсимликларига таъсир кўрсатишини таъминлайдиган и. ч. қуролидир.