Голден делишес – серҳосил нав бўлиб, дарахти пакана бўйли, шох-шаббаси думалоқ шаклда бўлади. Экилган кўчатлари 3-4 йилда ҳосилга киради. Мевасининг вазни 130-160гр га етади. Шакли чўзиқроқ ёки думалоқ чўзиқ бўлиб, ранги олтинсимон тусда бўлади. Мева қобиғининг устида кулранг доғлар ва айрим пайтларида зангсимон доғлар учрайди. Мевалари шунингдек хушбўй ҳидга эга бўлади. Меваси август ойининг охири, сентябр ойлари бошида пишади.