Ҳозирда гипсокартон ишлаб чиқариш қурилиш материаллари соҳасида энг истиқболли йўналишдардан бири ҳисобланади, бунга сабаб унинг қурилиш биноларида кенг қўлланилишидир. Гипсокартон гипс қоришмаси билан елимланган ва қўшимча воситалар билан кучайтирилган картон листларидан иборат қурилиш материалидир. Унинг асосий хусусиятлари қуйидагилардан иборат: енгиллик, суга чидамлилик, экологияга безарар, шовқиндан ҳимоя қилиш, ёнғинга чидамли, механик жиҳатдан мустаҳкамлик ва осон ўрнатиш. Гипсокартон листлари (ГКЛ) ҳар қандай табиий материалга қараганда эгилувчан, унинг таркибида заҳарли қўшимчалар йўқ.

Гипсокартонни ишлаб чиқариш технологияси тўлиқ автоматлаштирилган. 

 

Уни тайёрлаш учун зарур бўладиган ускуналарни қуйида келтирамиз:
 

— Гипс қоришмасини тайёрлаш қурилмаси;

— Шакл берувчи мосламага картонни узлуксиз етказадиган қурилма;

— Шакл берувчи мослама гипс полотносини ҳосил қилиш ва картон листларини ўзаро боғлаш вазифасини бажаради;

— Тасмали конвейер полотно ва профилнинг ўлчамлари белгиланган габаритларга мос келишини таъминлаш учун қўшимча шакл берувчи мосламалар билан жиҳозланган;

— Гильотина ёрдамида гипс полотнони кесадиган рольганг конвейер;

— Гипсокартон листларини бир жойдан бошқа жойга кўчирадиган конвейер (у листларни рольганг конвейердан консол конвейерга узатади);

— Қуритиш конвейерига листларни жойлаштирадиган консол конвейер;

— Листларни тўлиқ қуригунча айлантирадиган қуритиш конвейери;