Pavlovniya — (lot. Paulównia) yoxud Odam ato daraxti, — Povlovniyadoshlar (Paulowniaceae) oilasiga mansub, daraxt^[1].

Taʼrifi. Pavlovniya — bargi toʻkiladigan, baland boʻyli daraxt.

Bargi yirik, taxminan 70 sm.

Guli tojsimon, nim pushti, och siyohrang boʻladi.

Tanasining diametri 1 metrgacha yetadi.

Urugʻi paxta chanogʻiga oʻxshash, qobiq bilan qoplangan boʻladi.

Pavlovniya haqida mil. avv. 2600-yillardagi manbaalarda ayrim maʼlumotlar uchraydi. Uning vatani Yaponiya va u yapon tilida „hayot“ degan maʼnoni anglatuvchi Kiri nomi bilan tanilgan. Kiri har doim muqaddas daraxt va omad ramzi hisoblangan. Yaponiyaliklar uyining yonida pavlovniya ekib, uning shoxlariga baxt qushi — „feniks“ (Humo qushi) qoʻnadi va bu oilamizga baxt keltiradi, deb ishonishgan.

1823-yilda nemis tabiatshunosi Filip Frans fon Zibold Yaponiyaga tashrifi chogʻida vataniga Kiri daraxtining urugʻlarini olib keladi. Bu yangi oʻsimlikni Gollandiyaning sevimli qirolichasi sharafiga uning nomi bilan atamoqchi boʻladi. Ammo „Anna“ deb ataluvchi oʻsimlik mavjudligi bois, uning sharifiga, yaʼni otasi Pavel I ning nomiga atab „Pavlovniya“ deya nomlaydi^[2].