Боғдорчилик-қишлоқ хўжалигининг муҳим ва қадимий тармоқларидан бири бўлиб, у асосан мева ва резавор-мева маҳсулотларини етиштириш билан шуғулланади. Озиқ-овқат ва енгил саноатни хом ашё билан таъминлайди. Боғдорчиликнинг асосий маҳсулоти меваларда инсон организми учун жуда зарур бўлган витаминлар, углеводлар (қанд), органик киaслоталар, оқсил, мой, минерал тузлар ва овқатни ҳазм бўлишига ёрдам берадиган бошқа моддалар кўп бўлади. Шунинг учун мевалар нон, гўшт ва сут маҳсулотлари каби озиқ-овқат рационида асосий ўрин тутади ва севиб истеъмол қилинади.