Хонадонларда ишлатиладиган оддий Инкубаторлар 60—120 дона ва ундан кўп, паррандачилик ф-каларида қўлланиладиган Инкубаторлар 55 минг гача ва ундан ортиқ тухумга мўлжалланган («Универсал-55», ИКП90, «Кавказ» инкубаторлари). Буларда, асосан, товуқ, курка ва цесарка тухумларидан жўжа очирилади. Инкубаторга 3—4 кунда бир хилдаги тухумлар жойлаб турилади, тухумлар инкубация камерасида 19 кун туради, кейин жўжа очиб чиқиши учун махсус жўжа чиқариш ка-мераси (жавон) га олинади (мас, «Универсал-55» И. ида 3 та инкубация ва 1 та жўжа чиқариш камераси бор). Инкубаторда ҳарорат электр иситкичлар ёрдамида бошқариб турилади. Ҳаво намлигини бир меъёрда саклаш учун камеранинг орқа деворига совитиш системаси ўрна-тилган. Ҳар қайси камеранинг шамоллатиш (вентиляция) тизими бор. Инкубаторлар Европа ва АҚШда 19-а. да пайдо бўлди. Ўзбекистонда 20-а. нинг 30-й. лари бо-шидан дастлабки паррандачилик инкубатор станцияларида Россияда ишлаб чиқарилган Инкубатор лардан фойдаланилган.