Пайвандлаш (техникада) — қаттиқ материаллар (металл, керамика, шиша ва бошқалар)ни ажралмас қилиб бириктириш усули. Пайвандлашнинг 60 дан ортиқ усули бор.

Металларни пайвандлаш қадимдан маълум. 1882-йилгача босим остида пайвандлашнинг темирчилик усулидан фойдаланилган. Рус ихтирочиси Н. Н. Бенардос биринчи марта металларни кўмир электроддан фойдаланиб пайвандлаш (электр ёй) усулини топган, рус муҳандиси Н. Г. Славянов буни такомиллаштириб, кўмир электрод ўрнига металл электрод ишлатган. Ацетилен топилганидан кейин франсуз металлурги Э. Фуше газ пайвандни, америкалик олим Ж. Томсон қаршиликли учма-уч пайвандлаш (1837), кейинчалик Н. Н. Бенардос нуқтавий контакт пайвандлаш усулини ихтиро қилди, академик Й. О. Патон (1940) раҳбарлигида электр шлакли пайвандлаш усули ишлаб чиқилди